Një studim i botuar së fundmi nga “Journal Pediatrics” mund t’i bëjë prindërit të mendojnë më me kujdes kur shtrijnë dorën t’i godasin fëmijët e tyre.
Studiuesit kanë bërë një kërkim me më shumë se 34.000 të rritur. Ata zbuluan se të jesh qëlluar me shpulla qoftë edhe njëherë në jetë në mënyrë të drejtpërdrejtë rrit rrezikun e zhvillimit të sëmundjeve mendore.
Në bazë të rezultateve, dhuna trupore shoqërohet me :
- Crregullime të gjendjes shpirtërore,
- përfshi depresionin dhe ankthin,
- po ashtu çrregullimet e personalitetit
- dhe abuzimin me drogën dhe alkoolin.
Ata llogaritën se rreth 7% e sëmundjeve mendore të të rriturve i atribuohen dhunës fizike në fëmijëri :
- si shuplakat dhe goditjet.
Studimi raporton se :
- shuplaka rrit rrezikun e depresionit primar në 41%,
- përdorimin e alkoolit dhe drogës në 59%
- dhe sjelljet maniake në 93%.
Është e këshillueshme për prindërit dhe të gjithë edukatorët që punojnë me fëmijët, në asnjë mënyrë të mos ushtrojnë dhunë ndaj fëmijëve të çdo moshe. Sepse lidhja mes dhunës fizike dhe çrregullimeve mendore është reale.
Edhe pse sipas Akademisë Amerikane të Pediatërve (AAP), rreptësisht ndalohet goditja me shuplakë, nga shifrat e studimeve del:
- Se më shumë se gjysma e prindërve në SHBA pranojnë se kanë dhunuar fizikisht fëmijët e tyre.
- Disa kërkues sugjerojnë se janë rreth 70-90% e nënave që kanë qëlluar me shpullë të paktën njëherë.
