Si të bëjmë një ese

Vlen per te gjithe ju studente !!!

Esetë mund të shkruhen për qëllime të ndryshme, por struktura që përdoret është e njëjtë:

Hyrja

Përmbajtja

Përfundimi

Zgjidhni temën

Tema mund të jetë e paracaktuar. Në këtë rast ju nuk keni mundësi të zgjidhni. Juve ju duhet të mendoni për llojin e punimit që duhet të prodhoni. A duhet një vështrim i përgjithshëm apo një vështrim specifik?

Tema mund të jetë e papërcaktuar. kjo ju jep mundësinë që ju të zgjidhni vetë temën që ju intereson.

Përcaktoni qëllimin tuaj

Gjëja e parë që ju duhet të bëni është të mendoni për qëllimin e esesë që ju duhet të shkruani. A Është qëllimi juaj të bindni njerëz për atë që po shkruani, t’u shpjegoni njerëzve një ide ose një plan tuajin, të arsyetoni a gjykoni për një çështje, apo diçka tjetër? Megjithatë tema që ju keni zgjedhur duhet të përputhet me qëllimin.

Përgatitni një skicë të ideve tuaja

Sapo të keni përcaktuar qëllimin e esesë suaj hidhni disa ide që ju vijnë ndër mend ose që i keni skeduar nga literatura.

Bëni një skicë të esesë

Organizoni idetë tuaja sipas një formati të caktuar.

Shkruani hyrjen

Hyrja duhet të tërheqë vëmendjen e lexuesit dhe të japë fokusin e esesë. Prezantoni tezën tuaj dhe këndvështrimin sipas të cilit ju do të trajtoni temën.

Shtjelloni përmbajtjen
Shkruani përfundimin

Përfundimi është një përmbledhje e pikëpamjen suaj e paraqitur në një mënyrë tjetër nga e mësipërmja.

Paragrafët në një ese prezantojnë konceptet, evidencën dhe përfundimet.

Shkruani paragrafë hyrës duke synuar që të jenë të qartë dhe të përcaktuar mirë.

Në mënyrë që të jetë i qartë një paragraf duhet të sigurojë informacionin e domosdoshëm për lexuesin që të kuptojë konceptin që prezantohet. Një paragraf hyrës mund të ketë këto tre pjesë: a) konceptin e prezantuar; b) përkufizimin e termave të përdorur për të shoqëruar konceptin kryesor; c) informacionin për historinë, konceptin ose origjinën e konceptit të domosdoshëm për lexuesin. këto tre pjesë mund të kombinohen në mënyra të ndryshme. Gjeni mënyrën më të thjeshtë që siguron qartësinë. Duhet që hyrja të lexohet lehtësisht.

Krijoni paragrafët e evidencës që përmbajnë detajet për konceptet përkatëse.

Shkrimi i paragrafëve të evidencës është një procedurë më e lehtë sesa hyrja dhe përfundimet. Çelësi i një evidence të mirë nuk është formati, por përmbajtja e saj. Evidenca duhet të jetë specifike. Sigurohuni që detajet e evidencës përputhen me qëllimin dhe idenë tuaj.