Evandro Malshi – Defrim ne pendim (Poezi)
Dëfrim e pendim
Do të të thërras e do të të flas,
S’do më pushojë buza në gas…
Do të të ofroj një gotë fërnet,
Që nga qielli të zbresësh në det…
E do ulemi të kuvendojmë,
Të kujtohemi e të mashtrojmë,
Për të thëna e të pabëra,
Për fije peri e gjilpëra…
Do të dëgjoj e do më dëgjosh,
Do të vlerësoj e do më imitosh,
Do të kritikoj e do më ofendosh,
Me të bërtitura do më ndalosh…
Pastaj me veten un’ do mërzitem,
Se nga truri më s’do më shqitesh,
Çfarë i bëra vetes që të njoftova,
Humba kohë e asgjë s’fitova…
Se pijanecët kurrë s’do përshtaten,
Dy gurë bashkë jo nuk zënë vend,
Se të vdekurit për ta s’do ngjallen,
E dehura e tyre asgjë nuk ndreq.
