Ragip Dragusha – Kanga e poezise (Poezi shqip)

Andërrat tueja du me i prekë,
ma t’mirë frutat me i vjelë,
kurrë i gja nuk du me t’hjekë,
n’aromë lulesh me t’mbështjellë.

Për ty shumë du me këndue,
shpirtin tim du me ta falë,
bashkë me ty me fluturue,
dhe kur fryma ka me m’ ndalë.

Vargun tand du me ndriçue,
n’rreze t’diellit me e qendisë,
me fjalë t’ambëla zbukurue,
porsi veli i nuserisë.

Miqtë e mi të kanë rrethue,
Mos vono t,i sa ma parë.
Vishu bukur ato me i gëzue,
thueju : “Mirë se kani ardhë”

Dil pra ti e mos ke frikë,
se për ty ata kanë ardhë,
tash sa koh’ jan’ tuj të pritë,
fillo, pra, me kambë të mbarë.

R.Dragusha.