Ragip Dragusha – Ti moj vjollcë
Ti moj vjollcë që çil’ sparit
Ti moj vjollcë që çil’ s’parit,
pranverën e pret’ plot gaz.
Shoqet tuja n’pik’ të hallit,
a e din se t’kan’ maraz?
Dimri i gjate i ka shkatërrue,
krahët e kamët ja u ka thy.
dalngadalë tuj çalue,
vështir’ e kan’,’ me t’mbrri ty..
Dikush tha se pranvera,
s’parit vjollcen e ka ftue.
E kan’ pa tue prit’ tek dera,
tuj u puthë, e përqafue……
– Ah moj motrat e mia!
– po thotë vjollca tan’ lezet.
– S’e kam ditë se shoqnia,
sa të don’, aq t’ka haset…….
