Edhe pse është e qartë se faktorë të tillë si trashëgimia dhe mënyra e jetesës janë ndër shkaktarët kryesorë. Stresi po ashtu mund të kontribuojë për rrezikun e sëmundjeve të zemrës.
Është e këshillueshme për shëndetin e përgjithshëm dhe mirëqenien për të kuptuar se çfarë gjërash shkaktojnë stresin. Dhe për të gjetur mënyra për eliminimin e këtij stresi.
Këtu janë disa këshilla për të mbajtur nën kontroll stresin:
- Identifikoni shkakun
- Ushtroni rregullisht
- Pushoni fizikisht dhe mentalisht
- Hani shëndetshëm
- Fleni me rregull
Ndikimi i stresit në zemër :
Stresi luan rol fatal në qarkullimin e gjakut, duke sjell sëmundje koronare të zemrës dhe atak kardiak. Studiuesit theksojnë se ky fakt nuk është për t’u habitur, pasi stresi mund të rrisë presionin e gjakut, të ngushtojë enët e gjakut duke rritur nivelin e kolesterolit apo të përshpejtojë shkallën e mpiksjes së gjakut. Stresi konsiderohet si një faktor i rrezikshëm për sëmundjet e zemrës, për konsumatorët e duhanit, si edhe për personat që janë mbipeshë.
Ndikimi i stresit në stomak :
E keni menduar ndonjëherë që stresi ndikon edhe në stomak? Po, kjo është e vërtetë, sepse sistemi gastrointestinal është objektivi i gatshëm për pjesën më të madhe të stresit në jetën tuaj.
Stresi ndikon në sekretimin e acidit në stomak dhe mund të përshpejtojë ose ngadalsojë procesin e peristaltikës (tkurrje ritmike të muskujve tek zorrët). Stresi në stomak ndikon negativisht në mirëfunksionimin e zorrëve duke sjell probleme dhe me kolitin.
Ndikimi i stresit në sistemin imunitar :
Në dekadën e shkuar shumë prova kanë mbështetur teorinë se stresi ndikon në sistemin imunitar. Në lidhje me këtë shkencëtarët kanë shpikur edhe një emër tjetër duke e quajtur “Psychoneuroimmunology”.
Shkencëtarët që vendosin të shkojnë më thellë në lidhje me këtë studim njihen me pjesën emocionale, hormonale dhe me ndryshimet në sistemin nervor dhe imunitar. Më tej studimet kanë treguar se stresi mund të luajë një rol në acarimin e sëmundjeve dhe çrregullimeve të sistemit imunitar, si : HIV, AIDS, herpes, kancer metastazë, infeksion viral, artrit dhe alergji të caktuara.
